Pranali Kodre
होलिका दहनाच्या दुसऱ्या दिवशी भारतभरात धुळवड साजरी केली जाते. यादिवशी अनेकजण रंगांची होळी देखील खेळतात.
त्यामुळे 25 मार्च 2024 रोजी भारतात धुळवड साजरी झाली. या धुळवडीचे अनेक फोटो आणि व्हिडिओ देखील सध्या व्हायरल होत आहेत.
सध्या भारतात इंडियन प्रीमियर लीगचा (IPL) 17 वा हंगाम सुरु आहे. त्यामुळे या स्पर्धेत सहभागी संघातील खेळाडूंनीही एकमेकांबरोबर रंगांची होळी खेळत हा दिवस साजरा केला आहे.
आयपीएलमधील संघांनी आणि खेळाडूंनीही धुलिवंदन खेळतानाचे फोटो आणि व्हिडिओ सोशल मीडियावर शेअर केले आहेत.
या फोटोंमध्ये केवळ भारतीयच नाही, तर परदेशी खेळाडूही होळीच्या रंगात रंगलेले दिसत आहेत.
खेळाडूंनी एकमेकांवर रंगांची उधळण केल्याचे दिसत आहे. तसेच त्यांचे चेहरे रंगानी पूर्ण माखलेलेही दिसत आहेत.
दरम्यान, आत्तापर्यंत आयपीएल 2024 हंगामात 5 सामने खेळून झाले आहे.