Pranali Kodre
बुद्धिबळ ऑलिम्पियाड २०२४ स्पर्धेत भारताच्या महिला आणि पुरुष संघांनी ऐतिहासिक सुवर्णपदक जिंकले.
सुवर्णपदक विजेत्या संघात १८ वर्षीय डी गुकेशचाही समावेश होता. त्यानेही या स्पर्धेत शानदार कामगिरी केली.
गुकेशने वयाच्या १७ व्या वर्षीच कँडिडेट्स बुद्धिबळ स्पर्धा जिंकून इतिहास रचला होता.
कँडिडेट्सचे विजेतेपद मिळवणारा तो आजवरचा सर्वात युवा बुद्धिबळपटू ठरला आहे.
त्याने बुद्धिबळ खेळासाठी बऱ्याच गोष्टींना दूरही केले, त्याने या खेळावर लक्ष केंद्रीत करण्यासाठी शाळाही लवकर सोडली.
दरम्यान गुकेशला एका मुलाखतीत गर्लफ्रेंड आहे का असं विचारलं होतं, त्यावर त्याने नकार दिला होता.
त्यानंतर गर्लफ्रेंड असेल तर खेळावर परिणाम होईल का? असं विचारल्यावर गुकेश म्हणाला, 'मी कधी हा विचार केला नाही. पण जर गर्लफ्रेंड झाली, तर बुद्धिबळासाठी मी जो वेळ देतो, तो जरा कमी होईल. खेळावर परिणाम होईल, असं काही नाही. पण एखाद्या नात्यासाठी तो वेळ द्यावा लागतो. माझं आत्ता या गोष्टींमध्ये पडण्याचं वयही नाही.'
गुकेश आता जागतिक अजिंक्यपद बुद्धिबळ स्पर्धेत चीनच्या दिग्गज डिंग लिरेनविरुद्ध खेळणार आहे. या सामन्याकडे अनेकांचे लक्ष लागलेले आहे.