Pranali Kodre
महिला टी२० वर्ल्ड कप २०२४ स्पर्धेत भारतीय संघाने पहिला सामना न्यूझीलंडविरुद्ध दुबईमध्ये ४ ऑक्टोबर रोजी खेळला. या सामन्यात भारताला ५८ धावांनी पराभवाचा धक्का बसला.
या सामन्यात भारतासमोर न्यूझीलंड संघाने १६१ धावांचे आव्हान ठेवले होते. या आव्हानाचा पाठलाग करताना भारताची फलंदाजी कोलमडली. भारतीय संघ १९ षटकात १०२ धावांवर सर्वबाद झाला.
त्यामुळे भारताचा हा महिला टी२० वर्ल्ड कपमधील दुसऱ्या क्रमांकाचा सर्वात मोठा पराभव ठरला.
यापूर्वी २०२० मध्ये मेलबर्नला झालेल्या टी२० वर्ल्ड कपमधील सामन्यात भारतीय संघाला ऑस्ट्रेलियाविरुद्ध ८५ धावांनी पराभवाचा सामना करावा लागला होता.
तसेच भारतीय महिला संघ टी२० वर्ल्ड कपमध्ये तिसऱ्यांदाच सर्वबाद झाला आहे.
यापूर्वी २०२० मध्ये ऑस्ट्रेलियाविरुद्ध भारतीय संघ महिला टी२० वर्ल्ड कपमध्ये ९९ धावांवर सर्वबाद झाला होता.
त्याआधी २०१८ मध्ये अँटिग्वाला झालेल्या इंग्लंडविरुद्धच्या महिला टी२० वर्ल्ड कपमधील सामन्यात भारतीय संघ ११२ धावांवर सर्वबाद झाला होता.