Pranali Kodre
लंडनमध्ये नुकतील १४ जुलै रोजी विम्बल्डन २०२४ स्पर्धा संपली.
या स्पर्धा चालू असताना भारताचा टी२० वर्ल्डकप २०२४ विजेता कर्णधार रोहित शर्माही १२ जुलैला विम्बल्डनमधील सामने पाहाण्यासाठी लंडनला गेला होता.
रोहितने अगदी फॉर्मल कपड्यांमध्ये रॉयल बॉक्समधून टेनिस सामन्यांचा आनंद घेतला.
यादरम्यान, आयोजकांनी त्याच्याशी संवाद साधताना काही मजेशीर प्रश्न विचारले.
रोहितला त्याचा आडवता टेनिसपटू विचारल्यानंतर त्याने रॉजर फेडरर असं उत्तर दिलं.
रोहितला असंही विचारलं की त्याला कोणत्या क्रिकेटपटूसोबत टेनिसचा दुहेरीचा सामना खेळायला आवडेल?
यावर उत्तर देताना रोहित म्हणाला, 'खरंतर कोणाबरोबरच नाही. मी एकेरीचा सामना खेळेल, कारण भारतीय संघात कोणालाच चांगले टेनिस खेळता येत नाही.'
तसेच रोहित पुढे म्हणाला, 'अगदीच मला कोणाला निवडावे लागले, तर मग मी श्रेयस अय्यरला निवडेल.'