Pranali Kodre
भारत विरुद्ध श्रीलंका संघात झालेला वनडे मालिकेतील पहिला सामना बरोबरीत संपला.
दरम्यान कोलंबोला झालेल्या या सामन्यात भारतीय संघ दंडाला काळीपट्टी बांधून उतरला होता.
भारताचे माजी क्रिकेटपटू आणि प्रशिक्षक अंशुमन गायकवाड यांना आदरांजली म्हणून भारतीय खेळाडूंनी दंडाला काळी पट्टी बांधली होती.
अंशुमन गायकवाड यांचे ३१ जुलै रोजी कर्करोगाने निधन झाले.
अंशुमन गायकवाड यांनी आंतरराष्ट्रीय क्रिकेटमध्ये ४० कसोटी आणि १५ वनडे सामने खेळले.
त्यांनी १९९७-१९९९ दरम्यान भारतीय संघाचे प्रशिक्षकपदही सांभाळले.
ते गेल्या अनेक दिवसांपासून कर्करोगाशी झुंज देत होते. त्यांना बीसीसीआयकडूनही मदत करण्यात आली होती. पण अखेर ३१ जुलै रोजी त्यांनी अखेरचा श्वास घेतला.