Pranali Kodre
कुस्तीमध्ये महिलांच्या ६८ किलो वजनी गटात भारताची निशा दहीया सहभागी झाली होती.
निशाने उपउपांत्यपूर्व फेरीत युक्रेनच्या टेटियाना सोव्हा हिचा ६-४ अशा फरकाने पराभव केला होता.
त्यानंतर ती उपांत्यपूर्व फेरीत कोरियाच्या पाक सोल गमविरुद्ध खेळत होती. ती ८-२ अशी आघाडीवरही होती.
पण हा सामना सुरू असतानाच निशा दुखापतग्रस्त झाली.तिचं कोपर निखळलं. त्यामुळे तिला रडूही आवरता आलं नाही. पण असं असलं तरी तिनं मैदान सोडलं नाही.
फिजिओने तिला तपासल्यानंतरही तिने शेवटचे ३३ सेकंद बाकी असताना तसचं खेळण्याचा निर्णय घेतला. तिने शेवटपर्यंत झुंज दिली.
मात्र तिला दुखापतीमुळे प्रतिकार करणं कठीण गेलं आणि नंतर तिला तिला ८-१० अशा फरकाने पराभवाचा सामना करावा लागला.
दरम्यान दुखापत झाल्यानंतर तिला रडू आवरत नव्हते, त्या घटनेचे व्हिडिओही सध्या व्हायरल होत आहे.