युगंधर ताजणे
रायगड जिल्ह्यातील खालापूर तालुक्यातील इर्शाळवाडी येथे दरड कोसळून मोठी दुर्घटना घडली आहे.
गेल्या काही दिवसांपासून महाराष्ट्रातील अनेक जिल्ह्यांमध्ये पावसानं थैमान घातले आहे. त्याचा परिणाम आता दिसून आला आहे.
इर्शाळवाडीच्या घटनेत आत्तापर्यंत १० जणांचा मृत्यू झाला असून १०० पेक्षा अधिक जण मातीच्या ढिगाऱ्याखाली अडकल्याची माहिती समोर आली आहे.
आता या घटनेचं गांभीर्य लक्षात घेत मुख्यमंत्री एकनाथ शिंदे यांनी तातडीनं घटनास्थळी धाव घेतली आहे. त्यांनी रेनकोट घालून दीड तासांची पायपीट करून परिस्थितीचा आढावा घेतला आहे.
इर्शाळवाडीच्या घटनेवर आता महाराष्ट्रातील अनेक नेत्यांनी प्रतिक्रिया दिल्या आहेत. त्यात राज ठाकरे यांची प्रतिक्रिया चर्चेत आली आहे.
प्रशासनला इर्शाळवाडीतील परिस्थितीविषयी अगोदर माहिती असायला हवी होती. अशा शब्दांत राज यांनी आपल्या भावना व्यक्त केल्या आहेत.
दरड कोसळण्याची ही घटना बुधवारी रात्री ११ च्या सुमारास घडली. ४८ कुटुंब असलेल्या या गावामध्ये २२८ जण राहत असल्याची माहिती समोर आली आहे.
इर्शाळवाडीत एनडीआरएफचे युद्धपातळीवर बचावकार्य सुरू असून अनेक स्वयंसेवी संघटना घटनास्थळी दाखल झाल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.