kimaya narayan
बिग बॉस मराठी सीजन 5 मधून घराघरात पोहोचलेल्या अंकिता वालावलकरने कमी कालावधीत प्रसिद्धी मिळवली.
घरातील तिचा गेम आणि तिचा वावर अनेकांना आवडला. बऱ्याच जणांना अंकिता विनर व्हावी असं वाटत होतं.
सूरज, पॅडी, अभिजीत आणि धनंजय यांच्याबरोबरच तिचं बॉण्डिंगही चर्चेत राहील.
पण अंकिता सगळ्यांना आवडली ते तिच्या लवकरच होणाऱ्या लग्नामुळे. बिग बॉस मराठीमध्ये गेल्यानंतर अंकिताने तिचं लग्न होणार असल्याचं जाहीर केलं आणि होणारा नवरा संगीत दिग्दर्शक असल्याचं तिने उघड केलं.
त्यामुळे अंकिताचा नवरा कोण असा प्रश्न अनेकांना पडला होता. त्यातच अंकिताचा एक फोटो समोर आलाय. ज्यात ती एका तरुणाबरोबर दिसतेय.
तिच्या बरोबर दिसणारी ही व्यक्ती आहे सुप्रसिद्ध संगीत दिग्दर्शक कुणाल भगत. कुणाल मराठी इंडस्ट्रीमध्ये संगीतकार आहे.
त्याने आजवर अनेक मालिका आणि सिनेमांचं संगीत दिग्दर्शन केलं आहे. अंकिताने बिग बॉस मध्ये दिलेल्या हिंटमुळे कुणालच अंकिताचा होणारा नवरा असावा असा अनेकांचा अंदाज आहे.