Pranali Kodre
इंडियन प्रीमियर लीग 2024 स्पर्धेत 12 एप्रिल रोजी दिल्ली कॅपिटल्सने लखनौ सुपर जायंट्स संघाला 6 विकेट्सने पराभवाचा धक्का दिला.
दिल्लीच्या या विजयात युवा जॅक फ्रेझर-मॅकगर्कने मोलाचा वाटा उचलला. विशेष म्हणजे फ्रेझर-मॅकगर्कचा पहिलाच आयपीएल सामना होता.
या सामन्यात लखनौने ठेवलेल्या 168 धावांच्या आव्हानाचा पाठलाग करताना दिल्लीकडून फ्रेझर-मॅकगर्कने 35 चेंडूत 2 चौकार आणि 5 षटकारांसह 55 धावांची खेळी केली.
त्याने पहिल्याच सामन्यात तिसऱ्या क्रमांकावर फलंदाजीला उतरत दुसराच चेंडू खेळताना षटकार मारला. त्यानंतर त्याने त्याच्या 5 व्या चेंडूचा सामना करतानाही षटकार ठोकला.
त्यामुळे फ्रेझर-मॅकगर्क पहिलाच आयपीएल सामना खेळताना पहिल्या 5 चेंडूंत दोन षटकार मारणारा पहिलाच क्रिकेटपटू ठरला आहे.
यापूर्वी 17 आयपीएल हंगामात असा पदार्पणाच्या आयपीएल सामन्यात पहिल्या 5 चेंडूत दोन षटकार मारण्याचा विक्रम कोणीही केला नव्हता.
लक्षात घेण्यासारखी गोष्ट अशी की फ्रेझर-मॅकगर्क आयपीएल लिलावात अनसोल्ड राहिला होता.
परंतु, लुंगी एन्गिडी दुखापतीमुळे 17 व्या आयपीएल हंगामातून बाहेर गेल्याने 22 वर्षीय फ्रेझर-मॅकगर्कला दिल्लीने बदली खेळाडू म्हणून संधी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.