Anuradha Vipat
बिग बॉस सीजन पाचचा ग्रँड फिनाले पार पडला आहे.
ग्रँड फिनालेमध्ये अभिजीत सावंत, अंकिला वालावलकर, धनंजय पोवार, निक्की तांबोळी, सुरज चव्हाण आणि जान्हवी किल्लेकर हे स्पर्धक होते.
या ग्रँड फिनालेमधून जान्हवी किल्लेकर 9 लाख घेऊन घराबाहेर पडली आहे.
बिग बॉसच्या ग्रँड फिनालेत एक टास्क पार पडला. यावेळी स्पर्धकांना एक ऑफर देण्यात आली. सर्व स्पर्धकांना गेम सोडण्यासाठी 7 लाख रुपयांची ऑफर देण्यात आली होती. पण सर्व स्पर्धकांनी ती ऑफर नाकारली.
यानंतर बिग बॉसने या टास्कमध्ये आणखी एक ट्विस्ट आणला. बिग बॉसने आणखी 2 लाख रुपये वाढवत जो स्पर्धक पळत जाऊन बझर वाजवेल तो स्पर्धक 9 लाख रुपये घेऊन घराबाहेर पडेल, असं जाहीर करण्यात आलं
यानंतर जान्हवी बझरच्या दिशेला गेली आणि रडू लागली. यावेळी रितेश देशमुखने तिला तिच्या रडण्यामागचं कारण विचारलं.
यावेळी जान्हवी हिने आपल्या भावनांना वाट मोकळी करुन दिली. आपल्या डोळ्यांसमोर आपला प्रवास आठवत असल्याचं ती म्हणाली