Pranali Kodre
भारत विरुद्ध बांगलादेश संघात चेन्नईतील चेपॉक स्टेडियमवर पहिला कसोटी सामना १९ सप्टेंबरपासून सुरू आहे.
या सामन्याच्या दुसऱ्याच दिवशी बांगलादेश संघाचा पहिला डाव ४७.१ षटकात १४९ धावांवर संपला. त्यामुळे भारताला २२७ धावांची आघाडी मिळाली आहे.
भारताकडून गोलंदाजी करताना पहिल्या डावात जसप्रीत बुमराहने ४ विकेट्स घेतल्या.
त्याने तिसरी विकेट हसन मेहमुदलाही ९ धावांवर बाद करत घेतली. यासह त्याने आंतरराष्ट्रीय क्रिकेटमधील ४०० वी विकेट पूर्ण केली.
जसप्रीत बुमराह आंतरराष्ट्रीय क्रिकेटमध्ये ४०० विकेट्स पूर्ण करणारा १० वा भारतीय खेळाडू ठरला.
बुमराहपूर्वी आंतरराष्ट्रीय क्रिकेटमध्ये अनिल कुंबळे (९५६), आर अश्विन (७४४), हरभजन सिंग (७११), कपिल देव (६८७), झहीर खान (६१०), रविंद्र जडेजा (५७०), जवागल श्रीनाथ (५५१), मोहम्मद शमी (४४८) आणि इशांत शर्मा (४३४) या भारतीय खेळाडूंनी ४०० विकेट्स पूर्ण केल्या आहेत.
बुमराह ४०० विकेट्स पूर्ण करणारा जगातील ६० वा गोलंदाज ठरला आहे.