Pranali Kodre
सध्या सोशल मीडियावर सर्वत्र 'कोल्डप्ले'ची जोरदार चर्चा होताना दिसत आहे.
कोल्डप्लेच्या मुंबई कॉन्सर्टची तिकीटे मिळवण्यासाठी लोक तासंतास वाट पाहताना दिसून आले. मुंबईतील डीवाय पाटील स्टेडियमवर २१ जानेवारी २०२५ रोजी ही कॉन्सर्ट होणार आहे.
दरम्यान ४ महिने आधीपासूनच या कॉन्सर्टच्या ऑनलाइन तिकीट बुकिंगसाठी लोकांच्या उड्या पडल्याचे पाहायला मिळाले.
भारतीय क्रिकेटपटूही याबाबत मागे हटलले नाहीत.
नुकतेच भारताची महिला क्रिकेटपटू जेमिमाह रोड्रिग्सनेही एक गमतीशीर पोस्ट याबाबत केली असून ती सुद्धा तिकीट मिळेल, या प्रतिक्षेत आहे.
विशेष म्हणजे तिकीट मिळण्यासाठी तिचा नंबर तब्बल ९७३०७८ वा आहे.
त्यामुळे तिने तिच्या पोस्टला गमतीशीर कॅप्शन दिले आहे की 'ज्या दिवशी डीवाय पाटीलमध्ये एन्ट्रीसाठी तिकीट हवं होतं, त्याचदिवशी मिळत नाहीये यार'
जेमिमाच्या या पोस्टवर अनेक कमेंट्सही आल्या आहेत. भारताची क्रिकेटपटू हरलीन देओल, सूर्यकुमार यादव, मोना मेश्राम यांनीही कमेंट्स केल्या आहेत.