बुक्कीत टेंगुळ! बिग बॉसचे भिडू अव्हेंजर्सच्या अवतारात

सध्या बिग बॉस मराठी ५ या शोची सोशल मीडियावर तुफान धूम पाहायला मिळत आहे.

बिग बॉस मराठी मधील स्पर्धकांच्या वेगवेगळ्या मीम्स सध्या सोशल मीडियावर चांगल्याच व्हायरल होताना दिसत आहेत.

बिग बॉस मराठी आवडीने पाहणाऱ्या चाहत्यांची संख्या खूप मोठी असून घरोघरी या कार्यक्रमांमधील स्पर्धकांची चर्चा होत असते.

बिग बॉस मराठी मध्ये यंदा सहभागी झालेले स्पर्धक हे वेगवेगळ्या क्षेत्रातील आहेत, यामध्ये काही सोशल मीडिया स्टार्स आणि बॉडीबिल्डरचा देखील समावेश आहे.

या कार्यक्रमात दोररोज घडणाऱ्या नवीन घडामोडींमुळे बिग बॉस मराठीचा प्रेक्षकवर्ग सातत्याने वाढताना दिसत आहे

दरम्यान 'लिट मराठी' या फेसबुक पेजने बिग बॉस मराठी या कार्यक्रमात सहभागी झालेल्या सर्व सेलिब्रिटींचे मार्व्हल चित्रपटाचील अवतारातील फोटो पोस्ट केले आहेत

या फोटोंवरती काही मजेशिर वाक्य देखील लिहीली असून मार्व्हल युनिव्हर्समधील सुपर हिरोंच्या आवतारातील बिग बॉस स्पर्धक चर्चेचा विषय बनले आहेत.

या फोटोंमध्ये बिग बॉस मराठी मधील प्रत्येक स्पर्धकाला हॉलिवुडच्या या चित्रपटांमधील हिरो बनवण्यात आले आहेत. हे सुपरहिरोंच्या रुपातील हे देशी कलाकार चाहत्यांना चांगलेच आवडताना दिसत आहेत.

दरम्यान नुकतेच बिग बॉसच्या घरातून आर्या जाधव हिची हकालपट्टी केली आहे.

एका टास्कदरम्यान आर्याने निक्की तांबोळी हिच्या कानशिलात लगावल्याने तिला कार्यक्रमातून बाहेरचा रस्ता दाखवण्यात आला आहे.

आर्याला बिग बॉसच्या घरातून बाहेर काढल्यानंतर सोशल मीडियावर आर्याला तुफान पाठिंबा मिळत आहे.

तसंच लोक निक्की तांबोळी आणि बिग बॉसवर टीका करत असतानाच या दोघांची बाजू घेऊन भांडणारा वर्ग देखील मोठा आहे.

दरम्यान पुढे बिग बॉसच्या घरामध्ये काय होतं याबद्दल चाहत्यांच्या मनात कमालीची उत्सुकता पाहायला मिळत आहे.