Pranali Kodre
भारताचा स्टार वेगवान गोलंदाज मोहम्मद शमी सध्या दुखापतीतून सावरत असल्याने क्रिकेटपासून दूर आहे. पण यादरम्यान, त्याच्या आयुष्यात एक आनंदाची गोष्ट घडली आहे.
अनेक दिवसांच्या प्रतिक्षेनंतर शमीची भेट त्याची ९ वर्षांची मुलगी आयराशी झाली आहे.
शमीने मुलीला भेटल्यानंतरचा भावनिक व्हिडिओ देखील शेअर केला आहे.
शमीचा २०१८ मध्ये हसिन जहाँ हिच्याशी ४ वर्षांच्या संसारानंतर घटस्फोट झाला होता. त्यानंतर आयरा आईसोबतच बरीच वर्षे राहिली आहे.
त्यानंतर आता बऱ्याच दिवसांनी त्याला मुलीला भेटायला मिळाल्याचं त्याने व्हिडिओच्या कॅप्शनमध्ये लिहिलं आहे.
व्हिडिओमध्ये दिसते की शमी मुलीला भेटल्यानंतर तिला प्रेमाने मिठी मारत आहे. त्यानंतर तो तिला एका मॉलमध्ये घेऊन गेला असून तिला तिला शॉपिंग करून देत आहे.
या बाप-लेकीच्या व्हिडिओवर सोशल मिडिया युझर्सने अनेक कमेंट्स केल्या आहेत.
दरम्यान, आता शमी ऑक्टोबर किंवा नोव्हेंबरमध्ये क्रिकेटच्या मैदानात पुनरागमन करेल अशी अपेक्षा भारतीय संघाला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.