Pranali Kodre
भारत आणि ऑस्ट्रेलिया संघात २२ नोव्हेंबरपासून पर्थमध्ये बॉर्डर-गावसकर ट्रॉफी या कसोटी मालिकेला सुरुवात होत आहे.
या मालिकेसाठी भारतीय संघाचे फोटोशूट झाले, ज्याचा व्हिडिओ बीसीसीआयने शेअर केला आहे. या व्हिडिओमध्ये खेळाडू एकमेकांना प्रश्न विचारताना दिसले.
यामध्ये मोहम्मद सिराजने विराट कोहलीला प्रश्न विचारला की त्याची ऑस्ट्रेलियातील त्याची सर्वोत्तम खेळी कोणती?
त्यावर विराटने सांगितले की २०१८-१९ च्या दौऱ्यात पर्थमध्ये केलेली १२३ धावांची खेळी. कारण ही खेळी एका कठीण खेळपट्टीवर त्याने खेळली होती.
ऋषभ पंतने जसप्रीत बुमराहला विचारलं की ऑस्ट्रेलियामध्ये आल्यानंतर पहिलं काय केलं, ज्यावर बुमराहने सांगितले की त्याने पत्नीसोबत जाऊन त्याच्या मुलासाठी काही गोष्टी खरेदी केल्या.
प्रसिद्ध कृष्णाने रविंद्र जडेजाला ऑस्ट्रेलियातील फेमस भारतीय ब्रेकफास्ट कोणता असं विचारलं, ज्यावर जडेजाने सांगितले की इडली सांबर.
हर्षित राणाने सर्फराजला सर्वात विचित्र गोष्ट कोणती करशील असं विचारल्यावर त्याने सांगितलं की हर्षितचा आणि त्याचा फोन रुममध्ये ठेवून बाहेर फिरायला जायचे आहे. कारण हर्षितला फोन वापरण्याची खूप सवय आहे.
वॉशिंग्टन सुंदरने केएल राहुलला त्याच्या फोनमध्ये कोणच्या फेमस व्यक्तीचा फोन नंबर आहे, असं विचारलं. ज्यावर केएल राहुलने विराट कोहली असं उत्तर दिलं.
यशस्वी जैस्वालने आकाश दीपला साधारण दिवसभरात ऑस्ट्रेलियामध्ये किती चालतो असं विचारल्यावर त्याने सांगितलं आज तो १० किमी चालला.
नितीश रेड्डीने अश्विनला विचारले की त्याने किती सामना सोबत आणले आहे, त्यावर अश्विन म्हणाला, चार बॅग आणल्या आहेत.
आर अश्विनने शुभमन गिलला विचारलं की किती शतके या मालिकेत करणार, त्यावर गिलने सांगितलं की जितके शक्य तितके करेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.