Pranali Kodre
दक्षिण आफ्रिकेचा माजी वेगवान गोलंदाज मॉर्ने मॉर्केलचा जन्म ६ ऑक्टोबर १९८४ साली ट्रान्सवल येथे झाला.
त्याच्या घरी क्रिकेटचं वातावरण होतं. त्याचे वडील आणि भाऊही क्रिकेट खेळले. त्याच्याबरोबरच त्याचा मोठा भाऊ एल्बी मॉर्केल हा देखील अनेकवर्षे दक्षिण आफ्रिकेकडून क्रिकेट खेळला.
लहानपणी तर मॉर्केल कुटुंब हे एबी डिविलियर्सचे शेजारी होते. त्यामुळे एल्बी, मॉर्केल आणि एबी डिविलियर्स हे लहानपणापासून एकमेकांना ओळखतात. ते नंतर दक्षिण आफ्रिकेकडूनही एकत्र खेळले.
मॉर्केलने २००७ साली आफ्रिका XI संघाकडून वनडे पदार्पण केले होते. त्यावेळी त्याने भाऊ एल्बीसह सलामीला गोलंदाजी केली होती. त्यामुळे वनडेत पहिली दोन षटके टाकणारे ते पहिलेच भाऊ होते.
मॉर्केलने २०१२ आयपीएलमध्ये दिल्ली डेअरडेविल्सकडून (आत्ताचे दिल्ली कॅपिटल्स) खेळताना पर्पल कॅपही जिंकली होती. त्याने १६ सामन्यांत २५ विकेट्स घेतल्या होत्या.
मॉर्केलने आंतरराष्ट्रीय क्रिकेटमधून निवृत्ती घेतल्यानंतर तो प्रशिक्षण क्षेत्रात आला. तो सध्या भारतीय संघाचा गोलंदाजी प्रशिक्षक आहे.
मॉर्केलने ८६ कसोटी सामने खेळताना ३०९ विकेट्स घेतल्या, तसेच ९४४ धावा केल्या.
त्याने ११७ वनडेमध्ये १८८ विकेट्स घेतले, तसेच आंतरराष्ट्रीय टी२० क्रिकेटमध्ये ४४ सामन्यांमध्ये ४७ विकेट्स घेतल्या आहेत.
मॉर्केलने आयपीएलमध्ये ७० सामने खेळले असून ७७ विकेट्स घेतल्या आहेत.