Pranali Kodre
भारतीय उद्योगपती मुकेश अंबानी यांचा धाकटा मुलगा अनंत अंबानी आणि राधिका मर्चंट यांच्या लग्नापूर्वी दुसरा प्री-वेडिंग सोहळा पार पडला.
29 मे पासून इटलीतून क्रुझवर सुरू झालेली हा प्री-वेडिंग सोहळा फ्रान्समध्ये जाऊन संपला.
दरम्यान, या प्री-वेडिंगसाठी अनेक सेलिब्रेटी कुटुंबासह उपस्थित होते. यात एमएस धोनीचाही समावेश आहे.
भारताचा माजी कर्णधार एमएस धोनी त्याची पत्नी साक्षी आणि मुलगी झिवासह या सोहळ्यात सहभागी झालेला होता.
यादरम्यान, त्यांनी विविध स्थळांनाही भेट दिल्याचे समजत आहे.
युरोपमधील विविध स्थळांना भेट दिल्यानंतरचे फोटोही साक्षी धोनीने सोशल मीडियावर शेअर केले आहेत.
मात्र, साक्षीने या फोटोंना कोणतेही कॅप्शन दिलेले नाही, त्यामुळे हे फोटो नक्की कधीचे आहेत, याबाबत स्पष्ट माहिती नाही.
मात्र फोटोंमध्ये दिसणारी स्थळं ही युरोपमधील असल्याचे स्पष्ट होत असल्याने अनंत आणि राधिकाच्या प्रीवेडिंग दरम्यानचेच हे फोटो असल्याचे म्हटले जात आहे.