Pranali Kodre
मुंबई इंडियन्सने आयपीएल 2024 स्पर्धेतील 14 वा सामना राजस्थान रॉयल्सविरुद्ध वानखेडे स्टेडियमवर खेळला. या सामन्यात मुंबई इंडियन्सला 6 विकेट्सने पराभूत व्हावे लागले.
पण असे असले तरी या सामन्यादरम्यान मुंबई इंडियन्सने एका मोठ्या विक्रमाला गवसणी घातली आहे.
मुंबई इंडियन्ससाठी हा आयपीएल इतिहासातील 250 वा सामना होता.
त्यामुळे आयपीएलमध्ये 250 सामने खेळणारा मुंबई इंडियन्स पहिला संघ ठरला आहे. मुंबईने 250 पैकी 140 सामने जिंकले आहेत, तर 110 सामने पराभूत झाले आहेत.
1 एप्रिल 2024 पर्यंतची आकडेवारी लक्षात घेतली तर सर्वाधिक आयपीएल सामने खेळणाऱ्या संघांच्या यादीत मुंबई इंडियन्सपाठोपाठ दुसऱ्या क्रमांकावर रॉयल चॅलेंजर्स बेंगळुरू आहे. बेंगळुरूने 244 सामने खेळले आहेत.
तिसऱ्या क्रमांकावर दिल्ली कॅपिटल्स असून त्यांनी आयपीएलमध्ये 241 सामने 1 एप्रिल 2024 पर्यंत खेळले आहेत.
चौथ्या क्रमांकावर असलेल्या कोलकाता नाईट रायडर्स संघाने 1 एप्रिल 2024 पर्यंत आयपीएलमध्ये 239 सामने खेळले आहेत.
पाचव्या क्रमांकावर पंजाब किंग्स असून त्यांनी 1 एप्रिल 2024 पर्यंत 235 आयपीएल सामने खेळले आहेत.
चेन्नई सुपर किंग्स संघ या यादीत सहाव्या क्रमांकावर असून त्यांनी 1 एप्रिल 2024 पर्यंत 228 आयपीएल सामने खेळले आहेत.