Pranali Kodre
इंडियन प्रीमियर लीग 2024 स्पर्धेला 22 मार्चपासून सुरुवात झाली आहे. या 17 व्या आयपीएल हंगामात मुंबई इंडियन्सने पहिला सामना गुजरात टायटन्सविरुद्ध अहमदाबादमध्ये खेळला.
मात्र मुंबईला गुजरातविरुद्ध 6 धावांनी पराभव स्विकारावा लागला.
गुजरात टायटन्सने प्रथम फलंदाजी करताना 20 षटकात 6 बाद 168 धावा केल्या. त्यानंतर 169 धावांच्या आव्हानाचा पाठलाग करताना मुंबई इंडियन्सला 20 षटकात 9 बाद 162 धावाच करता आल्या.
विशेष म्हणजे 17 व्या आयपीएल हंगामाआधी मुंबईने कर्णधारपद रोहित शर्माच्या ऐवजी हार्दिक पंड्याच्या हाती सोपवले आहे.
मात्र असे असले, नव्या कर्णधाराच्या नेतृत्वाखाली देखील पहिल्या सामन्यात मात्र मुंबईला पराभवाचा सामना करावा लागल्याने त्यांनी सलग १२ हंगामातही परंपरा कायम ठेवल्याची चर्चा सोशल मीडियावर होत आहे.
गेल्या 12 हंगामात म्हणजेच 2013 पासून मुंबई इंडियन्सने आत्तापर्यंत एकदाही त्यांचा हंगामातील पहिला सामना जिंकलेला नाही.
मुंबई इंडियन्सने 2013, 2014, 2015, 2016, 2017, 2018, 2019, 2020, 2021, 2022, 2023 आणि 2024 या वर्षीच्या सर्व हंगामात पहिला सामना पराभूत झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.