Anuradha Vipat
मुक्ता बर्वे आणि नम्रता संभेराव यांच्या महत्त्वाच्या भूमिका असलेला ‘नाच गं घुमा’ चित्रपट येत्या १ मे रोजी प्रदर्शित होणार आहे.
याचा टीझर नुकताच प्रदर्शित करण्यात आला असून यामध्ये नम्रता अन् मुक्ताची अनोखी जुगलबंदी पाहायला मिळत आहे.
या चित्रपटात बालकलाकार मायरा वायकुळने भूमिका साकारली आहे. टीझरमध्ये मायराचा गोड अंदाज सर्वाचं लक्ष वेधून घेतो आहे.
‘नाच गं घुमा’चं दिग्दर्शन परेश मोकाशी यांनी केलं असून लेखक म्हणून त्यांनी व मधुगंधा कुलकर्णीने जबाबदारी सांभाळली आहे.
जर एखादी स्त्री तिच्या घरची ‘राणी’ असेल, तर तिची कामवाली बाई तिच्यासाठी ‘परीराणी’च्या रुपात समोर येते असं या चित्रपटाचं कथानक आहे.
आता परेश मोकाशी यांच्या ‘नाच गं घुमा’कडून प्रेक्षकांना भरपूर अपेक्षा आहेत.