Sudesh
मानवाने चंद्रावर कित्येक वेळा पाऊल ठेवलं आहे, मात्र आता, नासा चक्क चंद्रावर कार चालवण्याची तयारी करत आहे.
अंतराळवीरांना चंद्रावर चालवता येईल अशी बग्गी तयार करण्यासाठी नासाने पुढाकार घेतला आहे.
यासाठी नासाने इंट्यूशिव मशीन्स, लूनर आउटपोस्ट आणि व्हेंच्युरी अ‍ॅस्ट्रोलॅब अशा तीन कंपन्यांना कंत्राट दिलं आहे.
या तीन कंपन्या आता नासाच्या आर्टेमिस मून मिशनसाठी एक लूनर रोव्हर बनवतील.
2029 साली या मोहिमेचं प्रक्षेपण करण्याची नासाची योजना आहे. यामुळे अंतराळवीर चंद्राचा अधिकाधिक भाग कव्हर करू शकतील.
नासाच्या आर्टेमिस-5 या मोहिमेचं बजेट सुमारे 38 हजार कोटी रुपये असल्याचं म्हटलं जात आहे. हे पैसे तिन्ही कंपन्यांमध्ये वाटण्यात येतील.
नासा या तिन्ही कंपन्यांपैकी केवळ एकाच कंपनीची गाडी आर्टेमिस मिशनसाठी वापरेल. इतर कंपन्या आपलं संशोधन सुरू ठेऊ शकतील.