Anuradha Vipat
अभिनेत्री नीतू चंद्रा ‘उमराव जान अदा: द वेस्टेंड म्युझिकल’ नावाच्या नाटकात उमराव जानची भूमिका साकारण्यासाठी सज्ज झाली आहे.
मीत शाहच्या ब्लू वेव्ह इव्हेंट्स आणि ग्रॅव्हिटी झिरोद्वारे निर्मित हे नाटक एका भव्य संगीताच्या रूपात दिसणार आहे.
मीत शाहचे ब्लू वेव्ह इव्हेंट्स, जे भारतात इव्हेंट्सची निर्मिती करण्यासाठी ओळखले जातात. भारत तसेच यूएसएमध्ये 'उमराव जान अदा: द वेस्टेंड म्युझिकल' सादर होणार आहे
हे नाटक नीतूच्या उल्लेखनीय अभिनय आणि नृत्य क्षमतेवर प्रकाश टाकणारं आहे. राजीव गोस्वामी दिग्दर्शित संगीत नाटक चाहत्यांना एक व्हिज्युअल पर्वणी असणार आहे.
आयकॉनिक "दिल चीज क्या है" ट्रॅक यात सादर करण्यात येणार असून हा कार्यक्रम नक्कीच अफलातून असणार आहे.
सलीम-सुलेमान यांनी या नाटकाला संगीत दिले आहे. या नाटकाची पटकथा वरुण गौतमने केली आहे तर पूजा पंत तिच्या नृत्यदिग्दर्शनाने संगीताचे दृश्य आकर्षण वाढवेल.