Sudesh
नेटफ्लिक्सने या महिन्यात भारतात पासवर्ड शेअरिंग बंद केलं आहे. नव्या पॉलिसीमुळे आता यूजर्स केवळ आपल्या घरात राहणाऱ्या व्यक्तींसोबत अकाउंट शेअर करू शकणार आहेत.
यामुळे मित्रांचं नेटफ्लिक्स अकाउंट वापरणाऱ्या व्यक्तींची चांगलीच कोंडी झाली आहे. कारण आता त्यांना स्वतःचं नेटफ्लिक्स सबस्क्रिप्शन घ्यावं लागेल.
मात्र, आम्ही आज तुम्हाला अशी ट्रिक सांगणार आहोत, ज्याचा वापर करुन तुम्ही मोफत नेटफ्लिक्स वापरू शकता.
काही टेलिकॉम कंपन्या आपल्या प्लॅन्समध्ये विविध प्रकारच्या ऑफर्स देत असते. यातच नेटफ्लिक्स सबस्क्रिप्शनचाही समावेश आहे. या ऑफर्सची माहिती आम्ही तुम्हाला देणार आहोत.
जिओ पोस्टपेडचा 699 रुपयांचा प्लॅन ओटीटी कंटेंट पाहणाऱ्यांसाठी अगदी परफेक्ट आहे. यामध्ये 100GB डेटा, अनलिमिटेड व्हॉइस कॉल, प्रतिदिन 100 मेसेज आणि सोबतच नेटफ्लिक्स, अमेझॉन प्राईम आणि जिओच्या अ‍ॅप्सचं मोफत सबस्क्रिप्शन मिळतं.
जिओच्या 1,499 रुपयांच्या पोस्टपेड प्लॅनमध्ये 300GB डेटा, अनलिमिटेड कॉलिंग, दिवसाला 100 एसएमएस, नेटफ्लिक्स, अमेझॉन प्राईम आणि जिओ अ‍ॅप्सचं सबस्क्रिप्शन असे फायदे मिळतात.
ज्यांच्याकडे जिओ फायबर आहे त्यांना नेटफ्लिक्स आणि इतर अनेक ओटीटी प्लॅटफॉर्म्सचं सबस्क्रिप्शन मिळतं. यासाठी त्यांना 1,499 रुपये किंवा त्याहून महागडे प्लॅन्स घ्यावे लागतील.
एअरटेलचा 1,199 रुपयांचा पोस्टपेड प्लॅन घेतल्यास एकूण 150GB डेटा, दिवसाला 100 एसएमएस आणि अनलिमिटेड कॉलिंग हे फायदे मिळतात. सोबतच नेटफ्लिक्स, अमेझॉन प्राईम व्हिडिओ आणि डिज्नी+हॉटस्टारचं सबस्क्रिप्शन मिळतं.
एअरटेलचा 1,499 रुपयांचा पोस्टपेड प्लॅन घेतल्यास एकूण 200GB डेटा, 100 एसएमएस (प्रतिदिन), अनलिमिटेड कॉलिंग आणि नेटफ्लिक्स, अमेझॉन प्राईम व्हिडिओ आणि डिज्नी+हॉटस्टारचं सबस्क्रिप्शन मिळेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.