'ब्रम्हास्त्र' नाही तर 'हा' असता रणबीर-आलियाचा पहिला सिनेमा

बॉलिवूडची सगळ्यात जास्त चर्चेत असलेली जोडी म्हणजे आलिया भट्ट आणि रणबीर कपूर.

काही वर्षांपूर्वीच लग्नबंधनात अडकलेल्या या जोडीला राहा नावाची मुलगी आहे.

ब्रम्हास्त्र या सिनेमात या दोघांनी एकत्र काम केलं. हा त्या दोघांचा एकत्र पहिला सिनेमा होता आणि या सिनेमाच्या सेटवरच त्यांची लव्हस्टोरी सुरु झाली.

पण तुम्हाला माहितीये का ? 'ब्रम्हास्त्र' नाही तर आलिया आणि रणबीर ही जोडी या आधीच एका सिनेमात काम करणार होती आणि सिनेमा काही कारणामुळे रखडला.

आलिया आणि रणबीरमध्ये अकरा वर्षांचं अंतर आहे. त्या दोघांची पहिली भेट झाली तेव्हा आलिया फक्त नऊ वर्षांची होती आणि रणवीर एकवीस वर्षांचा होता.

आलिया आणि रणबीर संजय लीला भन्साळी यांच्या सिनेमाच्या सेटवर भेटले होते. त्यावेळी रणबीर संजय यांना असिस्ट करत होता.

संजय यांना 'बालिका वधू' हा सिनेमा बनवायचा होता. त्यासाठी त्यांनी जोडी म्हणून पहिल्यांदा आलिया आणि रणबीरचं फोटोशूट केलं होतं. पण काही कारणामुळे हा सिनेमा रखडला.