Pranali Kodre
भारतीय नेमबाज मनू भाकरने पॅरिस ऑलिम्पिकमध्ये दोन पदके जिंकत इतिहास रचला आहे.
तिने महिलांच्या १० मीटर एअर पिस्तुल प्रकारात आणि मिश्र सांघिक १० मीटर एअर पिस्तुल प्रकारात सरबज्योत सिंगसह कांस्य पदक जिंकले.
दरम्यान कामगिरीनंतर तिने एक मोठा खुलासा केला आहे. तिने पीव्ही सिंधूसाठी सोशल मीडियावर फेक अकाऊंट काढल्याचं सांगितलं आहे.
मनूने स्पोर्ट स्टारशी बोलताना सांगितलं की 'मला भारतीय क्रीडा इतिहासातील अनेक दिग्गजांबद्दल माहित आहे. मला नेहमीच पीव्ही सिंधू आणि नीरज चोप्राबद्दल माहित होते. त्यांनी केलेल्या मेहनतीचे मला नेहमीच कौतुक वाटले आहे.'
मनूने पुढे सांगितलं, 'एक वेळ अशी आलेली की मी सिंधूसाठी फेक प्रोफाइल बनवलं होतं. काही टीकाकारांनी कमेंट्स केल्या होत्या, ज्यामुळे मी सिंधूच्या बाजूने उभं राहण्यासाठी फेक अकाउंट बनवलं होतं.'
मनूने केलेल्या या खुलास्यावर पीव्ही सिंधूनेही एक्सवर प्रतिक्रिया दिली आहे. सिंधूने लिहिलं, 'हाहा तू स्विटहार्ट आहेस. दोन ऑलिम्पिक मेडल क्लबमध्ये तुझं स्वागत आहे मनू. अजून खूप पुढे जायचं आहे.'
सिंधूनंतर ऑलिम्पिकमध्ये दोन पदकं जिंकणारी मनू भाकर दुसरीच भारतीय महिला खेळाडू आहे.