Pranali Kodre
टी२० वर्ल्डकप २०२४ स्पर्धेत १४ जून रोजी होणारा अमेरिका विरुद्ध आयर्लंड सामना पावसामुळे रद्द झाला. त्यामुळे दोन्ही संघांना प्रत्येकी १ गुण देण्यात आला.
त्याचमुळे अमेरिकेचे ५ गुण झाले. यासह अमेरिकेने या स्पर्धेतील पुढच्या फेरीत म्हणजेच सुपर-८ मध्ये प्रवेश केला.
मात्र अमेरिकेच्या पुढच्या फेरीतील प्रवेशाने पाकिस्तान संघाचं आव्हान संपुष्टात आलं. पाकिस्तान पहिल्यांदाच टी२० वर्ल्ड कपच्या पहिल्या फेरीतून बाहेर झाले आहेत.
पाकिस्तान २००७ टी२० वर्ल्ड कपमध्ये उपविजेते होते.
पाकिस्तानने टी२० वर्ल्ड कप २००९ स्पर्धेचे विजेतेपद जिंकले होते.
पाकिस्तानने २०१० आणि २०१२ साली झालेल्या टी२० वर्ल्ड कप स्पर्धेत उपांत्य फेरीपर्यंत धडक मारली होती. मात्र त्यांचा उपांत्य सामन्यात पराभव झाला.
पाकिस्तानला २०१४ आणि २०१६ साली झालेल्या टी२० वर्ल्ड कपमध्ये सुपर १० फेरीच्या पुढे जाता आलं नव्हतं.
पाकिस्तान टी२० वर्ल्ड कप २०२१ मध्ये उपांत्य फेरीत पोहचले होते. मात्र त्यांना उपांत्य फेरीत पराभव स्विकारावा लागला.
पाकिस्तानने टी२० वर्ल्ड कप २०२२ मध्ये अंतिम सामन्यात धडक मारली होती. मात्र, इंग्लंडकडून पराभूत व्हावं लागल्याने त्यांना उपविजेतेपदावर समाधान मानावे लागले.