सकाळ डिजिटल टीम
दमदार अभिनयामुळे कायमच चर्चेत राहणारे बॉलिवूडमधील अभिनेते पंकज त्रिपाठी यांचं मुंबईतील घर खूपच सुंदर आहे.
मुंबईतील मढ या ठिकाणी पंकज यांनी त्यांचं हे सुंदर घर बांधलं असून त्यांच्या घराचं नाव त्यांनी रूपकथा असं ठेवलं आहे.
मॅशेबल इंडियाला दिलेल्या मुलाखतीत त्यांनी त्यांच्या घराची झलक शेअर केली.
पंकज यांचं हे घर तुम्हाला गावातील कोणत्याही घराची आठवण करून देईल. गावातील घरात असणाऱ्या छोट्या छोट्या वस्तू पंकज यांनी त्यांच्या घरात ठेवल्या आहेत. अगदी गावात असणारी खाटही त्यांनी त्यांच्या घराबाहेर ठेवली आहे.
तर त्यांच्या घरी असलेलं डायनिंग टेबल हे हॅण्डमेड असून त्याचा लूक सगळ्यांचं लक्ष वेधून घेतोय.
तर कधी चुलीवरच जेवण जेवायचं असेल तर पंकज यांच्या घरी खास चुलही आहे जिथे त्यांचं कुटूंब एकत्र जेवण बनवतं.