Pranali Kodre
ऑस्ट्रेलिया क्रिकेट संघाचा वेगवान गोलंदाज आणि कर्णधार पॅट कमिन्स त्याच्या कामगिरीमुळे सातत्याने चर्चेत राहणारा क्रिकेटपटू आहे.
त्याने गेल्या वर्षभरात कर्णधार म्हणूनही मोठे यश मिळवले आहे. त्याने ऍशेस राखण्याबरोबर भारतीय संघाला पराभूत करत टेस्ट चॅम्पियनशीप 2023 आणि वनडे वर्ल्डकप 2023 स्पर्धाही जिंकली.
त्याचबरोबर तो आयपीएल 2024 मध्ये सनरायझर्स हैदराबादचेही नेतृत्व करत आहे. विशेष म्हणजे आयपीएळ 2024 मधून तो पहिल्यांदाच टी20 मध्ये नेतृत्व करताना दिसलाय.
आयपीएल 2024 लिलावात सनरायझर्स हैदराबादने कमिन्ससाठी 20.5 कोटी रुपये मोजले. त्यामुळे लिलावात 20 कोटींहून अधिकची बोली लागलेला तो पहिला क्रिकेटपटू ठरला.
या सर्व गोष्टींमुळे त्याची भारतातही मोठी चर्चा आहे.
दरम्यान, नुकतेच त्याने ह्युमन्स ऑफ बॉम्बेशी बोलताना त्याला आवडणाऱ्या भारतीय क्रिकेटपटूबद्दल खुलासा केला आहे.
कमिन्सने सांगितले की जसप्रीत बुमराह हा त्याचा आवडता भारतीय क्रिकेटपटू आहे.
कमिन्सने सांगितले की तो स्वत: वेगवान गोलंदाज असल्याने त्याला वेगवान गोलंदाजी करणारा बुमराह आवडतो.