कार्तिक पुजारी
असं एक पोलीस स्टेशन आहे, जिथे एक गुन्हा नोंद होण्यासाठी पोलिसांना वर्षोवर्ष वाट पाहावी लागते.
उत्तराखंडच्या पिथौरागडमध्ये येणाऱ्या सीमा भागात असणाऱ्या गुंजीमध्ये गेल्या सात वर्षांमध्ये फक्त पाच तक्रारी दाखल झाल्या आहेत.
२००६ पासून नियमित सुरू असलेल्या या पोलीस स्टेशनमध्ये २०२२ मध्ये शेवटची तक्रार झाली आहे.२०१७ पूर्वी याठिकाणी कोणत्याही खटल्याची नोंद नाही.
निसर्गाच्या सानिध्यात राहणारे लोक समाधानी आणि शांत असल्याचं म्हटलं जातं. त्याचीच प्रचिती गुंजी गावाकडे पाहून येते.
धारचूल तहसील मुख्यालयापासून जवळपास ७२ किलोमीटर अंतरावर गुंजी पोलीस स्टेशन आहे.
शिवाय या पोलीस स्टेशन अंतर्गत १५ गावांचा समावेश होतो. या गावांमध्ये जवळपास ४ हजार लोक राहतात.
२०१७ मध्ये पोलीस स्टेशनमध्ये एका मोठ्या गुन्ह्याची नोंद झाली होती. त्यानंतर २०२२ पर्यंत फक्त चार गुन्ह्यांची नोंद आहे