Pranali Kodre
भारताचा स्टार क्रिकेटपटू पृथ्वी शॉ याचे एक मोठे स्वप्न पूर्ण झाले आहे.
पृथ्वीने काही दिवसांपूर्वी मुंबईतील वांद्रे येथे घर खरेदी केले होते.
आता त्या घराचे बांधकाम आणि इंटेरियर पूर्ण झाले असून पृथ्वी शॉ याने या नव्या घरात गृहप्रवेश केला आहे.
पृथ्वी शॉ याने गुढीपाडव्याच्या दिवशी त्याच्या नव्या घराचे काही फोटो शेअर करत त्याचा आनंद व्यक्त केला आहे.
पृथ्वी शॉ याने शेअर केलेल्या फोटोंमध्ये पहिला फोटो हा घराचे बांधकाम सुरू असतानाचा असल्याचे समजून येते. त्यांनंतरच्या फोटोंमध्ये तो त्या घरात राहायला गेल्याचे दिसते.
वांद्र्यातील त्याचे हे घर आलिशान असून त्याने या घरात राहयला येणे ही स्वप्नपूर्ती असल्याचे म्हटले आहे.
शॉ याने घराचे इंटेरियर केलेल्या लोकांचेही आभार मानताना लिहिले की 'स्वत:च्या घराची चावी हातात आल्यानंतर खूप खास वाटत आहे. या क्षणाचे स्वप्न पाहाण्यापासून ते पूर्ण होईपर्यंतचा प्रवास खूप अविस्मरणीय होता. माझा स्वत:च्या आनंदाचा तुकडा मला सापडल्याने खूप आनंदी आहे.'
पृथ्वी शॉ सध्या दिल्ली कॅपिटल्सकडून आयपीएलमध्ये खेळत आहे.