Pranali Kodre
भारतीय क्रिकेट संघाने बांगलादेश संघाविरुद्ध कसोटी मालिकेच्या दुसऱ्या सामन्यात १ ऑक्टोबर २०२४ रोजी ७ विकेट्सने विजय मिळवला.
या विजयबरोबरच भारताने दोन सामन्यांची मालिकाही २-० फरकाने जिंकली आहे.
या मालिकेतील सर्वोत्तम खेळाडूचा पुरस्कार अनुभवी अष्टपैलू आर अश्विनला मिळाला. अश्विनने या मालिकेत एक शतक करण्याबरोबरच ११ विकेट्सही घेतल्या.
अश्विनने कसोटीमध्ये मालिकावीर पुरस्कार मिळवण्याची ही ११ वी वेळ होती. त्यामुळे त्याने दिग्गज मुथय्या मुरलीधरनच्या सर्वाधिकवेळा कसोटीत मालिकावीर पुरस्कार जिंकण्याच्या विश्वविक्रमाशी बरोबरी केली आहे.
मुरलीधरननेही कसोटीत ११ वेळा मालिकावीर पुरस्कार जिंकला आहे.
कसोटीत सर्वाधिकवेळा मालिकावीर पुरस्कार जिंकणऱ्या खेळाडूंच्या यादीत दक्षिण आफ्रिकेचा जॅक कॅलिस दुसऱ्या क्रमांकावर आहे. त्याने ९ वेळा मालिकावीर जिंकला आहे.
यानंतर इम्रान खान, रिचर्ड हॅडली आणि शेन वॉर्न यांनी प्रत्येकी ८ वेळा मालिकावीर पुरस्कार जिंकला आहे.