Pranali Kodre
राहुल द्रविडने त्याच्या खेळाडू म्हणून कारकि‍र्दीत अनेक मोठे विक्रम केले आहेत. मोठ्या धावा करत भारताच्या क्रिकेट इतिहासात सुवर्णाक्षरांनी नाव कोरलं आहे.
पण आता ज्युनियर द्रविडला क्रिकेट खेळताना पाहायला मिळणार आहे.
द्रविडचा मुलगा समित हा देखील क्रिकेटपटू असून तो वयोगटातील क्रिकेट खेळला आहे.
आता समितने नुकतेच महाराजा ट्रॉफी या स्पर्धेत पदार्पण केले आहे. महाराजा ट्रॉफी ही कर्नाटकमधील टी२० लीग स्पर्धा आहे.
समित या स्पर्धेत म्हैसूर वॉरियर्स संघाकडून खेळत आहे. त्यामुळे पुन्हा एकदा द्रविडचं नाव एका क्रिकेट संघात पाहून सोशल मीडियावर चर्चा सुरू झाली आहे.
समितने यापूर्वी वयोगटातील क्रिकेटमध्ये अनेकदा चांगल्या खेळी केल्या आहेत. मात्र त्याला महाराजा ट्रॉफीमधील पहिल्या सामन्यात फारसा प्रभाव पाडला आला नाही. समित नम्मा शिवामोग्गा संघाविरुद्ध ७ धावांवर बाद झाला.
पण असं असलं तरी आता वरिष्ठ क्रिकेट लीगमध्ये द्रविडचा मुलगा क्रिकेट खेळताना दिसल्याने अनेकांनी त्याबाबत पोस्ट शेअर केल्या आहेत.