सकाळ डिजिटल टीम
भारताच्या 75 व्या प्रजासत्ताक दिनानिमित्त पद्मविभूषण आणि पद्मभूषण पुरस्कारांची घोषणा करण्यात आलीये. पद्मविभूषण मिळालेल्यांमध्ये बॉलिवूडची ज्येष्ठ अभिनेत्री वैजयंती माला यांच्या नावाचाही समावेश आहे.
बॉलिवूडमधील ज्येष्ठ अभिनेत्री वैजयंती माला यांना देशाच्या 75 व्या प्रजासत्ताक दिनानिमित्त पद्मविभूषण पुरस्काराने सन्मानित करण्यात आले आहे. ही अभिनेत्री बॉलिवूडमधील सर्वात यशस्वी अभिनेत्रींपैकी एक मानली जाते.
13 ऑगस्ट 1936 रोजी दक्षिण भारतातील मद्रास इथं जन्मलेल्या या अभिनेत्रीनं प्रथम तमिळ चित्रपटांमध्ये काम केलं आणि नंतर आपल्या अभिनयानं हिंदी चित्रपटसृष्टीवर राज्य केलं.
वयाच्या 13 व्या वर्षी या अभिनेत्रीनं 'वडकई' या चित्रपटातून आपल्या करिअरची सुरुवात केली. यानंतर अभिनेत्री वैजयंती मालानं 1951 मध्ये रिलीज झालेल्या 'बहार' चित्रपटातून बॉलिवूडमध्ये एन्ट्री केली.
अभिनेत्री वैजयंती मालानं आपल्या कारकिर्दीत दिलीप कुमार आणि राज कपूर या दोघांसोबत काम केलं.
त्यानंतर अभिनेत्री वैजयंती मालानं राज कपूरचे फॅमिली डॉक्टर डॉ. चमन बाली यांच्याशी लग्न केलं होतं, पण 1986 मध्ये त्यांच्या पतीचं निधन झालं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.