Pranali Kodre
भारतीय क्रिकेट संघाने बांगलादेशविरुद्ध दिल्लीला झालेल्या दुसऱ्या टी२० सामन्यात ८६ धावांनी विजय मिळवला.
या विजयासह भारताने तीन सामन्यांच्या टी२० मालिकेत २-० अशी विजयी आघाडीही घेतली आहे.
भारताच्या या विजयात नितीश रेड्डी आणि रिंकू सिंग यांचे योगदान महत्त्वाचे राहिले.
या दोघांनीही १०८ धावांची भागीदारी करण्याबरोबरच अर्धशतकेही झळकावली.
दरम्यान, रिंकू सिंगने २६ चेंडूत त्याचे अर्धशतक पूर्ण केले, तेव्हा त्याने त्याच्या डाव्या हातावर काढलेल्या टॅट्युकडे इशारा केला.
रिंकूने नेमका त्याच्या हातावर असा कोणता टॅट्यु काढला आहे, हे जाणून घेऊ.
तर रिंकूने सामन्याच्या काही दिवसांपूर्वीच त्याच्या हातावर God's Plan (गॉड प्लॅन) असा टॅट्यू काढला आहे.
रिंकूने या सामन्याच्या आधी त्याने हा टॅट्यू का काढला याचं कारण सांगितलं होतं की तो नेहमीच गॉड प्लॅन म्हणजेच ईश्वराची योजना असं म्हणत असतो, त्यामुळे मी तो टॅट्यू काढला.