kimaya narayan
कलर्स मराठीवरील बिग बॉस मराठी सीजन 5 मध्ये चौथ्या आठवड्याच्या भाऊचा धक्का पार पडणार आहे. या शनिवारी रितेश भाऊ सगळ्याच स्पर्धकांची शाळा घेणार आहेत.
भाऊच्या धक्क्यावर रितेशने निक्कीचा चांगलाच माज उतरवला. यामुळे तिला धक्का बसलेला स्पष्ट पाहायला मिळाला.
कलर्स मराठीने सोशल मीडियावर शेअर केलेल्या प्रोमोमध्ये पाहायला मिळालं कि, रितेशने निक्कीला चांगलेच खडेबोल सुनावले.
"मी रितेश देशमुख आहे मला हलक्यात घेऊ नका" असं रितेशने सुरुवातीलाच निक्की आणि तिच्या ग्रुपला बजावलं.
त्यानंतर तो निक्कीला म्हणाला कि,"निक्की तुम्ही हलक्या कानाचे आहात. तुमची बुद्धीपण हलकीच आहे. "
"तुम्हाला ना आता घरातले चालवत आहेत." असा रितेशने इशारा करताच अरबाजला धक्का बसल्याच प्रोमोमध्ये स्पष्टपणे पाहायला मिळालं.
यानंतर रितेश टाळ्या वाजवत म्हणाला कि,"ते चावी मारता आणि तुम्ही नाचता. तुमचं चावीचं माकड असतं ना" असं म्हणत निक्कीला फैलावर घेतलं.
आता यामुळे निक्की तिचा गेम प्लॅन बदलणार का हे पाहणं महत्त्वाचं ठरेल. तेव्हा पाहायला विसरू नका बिग बॉस मराठी सीजन 5 दररोज रात्री 9 वाजता फक्त कलर्स मराठीवर आणि जिओ सिनेमावर कधीही.