Pranali Kodre
भारताचा दिग्गज क्रिकेटपटू सचिन तेंडुलकरने नुकतीच पॅरिस ऑलिम्पिकमध्ये २ पदके जिंकणाऱ्या मनू भाकरची भेट घेतली.
मनू भाकरने या भेटीदरम्यानचे काही फोटोही शेअर केले आहेत.
हे फोटो शेअर करताना तिने कॅप्शनमध्ये लिहिले की 'एकमेव सचिन तेंडुलकर. हा खास क्षण होता. तुमच्या प्रवासाने मला आणि माझ्यासारख्या अनेकांना स्वप्न पाहण्याची प्रेरणा मिळाली. सर अविस्मरणीय आठवणींसाठी आभार.'
मनू भाकरच्या या पोस्टवर प्रतिक्रिया देताना सचिनने लिहिले की 'तुला आणि तुझ्या कुटुंबाला भेटून आनंद झाला. मोठी स्वप्न पाहण्यासाठी आणि पूर्ण करण्यासाठी अनेक लहान मुलांसाठी तुझं यश हे प्रेरणा आहे. आणखी उत्तमोत्तम कामगिरी करत राहा. तुला भारतातून प्रोत्साहन मिळत राहिल.'
मनू भाकरने नुकत्याच झालेल्या पॅरिस ऑलिम्पिकमध्ये १० मीटर एअर पिस्तुल प्रकारात महिला गटात कांस्य आणि मिश्र गटात सरबज्योतसह कांस्य पदक जिंकलं.
मनू भाकर ऑलिम्पिक पदक जिंकणारी पहिली भारतीय महिला नेमबाज ठरली.
तिचे भारतभरात मोठे कौतुक होत असून अनेक ठिकाणी तिचा सन्मान करण्यात आला आहे.