सकाळ डिजिटल टीम
आज आपण ज्या अभिनेत्रीबद्दल सांगत आहोत तिने तिच्या पहिल्याच चित्रपटात सलमान खान सारख्या स्टारसोबत मुख्य अभिनेत्री म्हणून काम केलं होतं.
मात्र, आज ती चित्रपट जगतापासून दूर आहे. या चित्रपटाचं नाव होतं 'सनम बेवफा' आणि या चित्रपटाची अभिनेत्री होती चांदनी शर्मा.
1991 मध्ये रिलीज झालेला 'सनम बेवफा' हा चित्रपट ब्लॉकबस्टर ठरला. या चित्रपटानं चांदनीला रातोरात स्टार बनवलं. चांदनीचं खरं नाव नवोदिता शर्मा होतं, पण तिनं तिचं नाव बदलून चांदनी ठेवलं.
सनम बेवफा नंतर चांदनीनं इतरही अनेक चित्रपटात काम केलं, पण तिला फारसं यश मिळालं नाही. वास्तविक, या चित्रपटानंतर अभिनेत्रीला अनेक ऑफर्स आल्या, पण दिग्दर्शक-निर्माता सावन कुमार टाक यांच्यासोबत 3 वर्षांच्या करारामुळं तिनं त्या ऑफर्स नाकारल्या.
या करारानुसार, सावन कुमार टाक यांच्या निर्मितीशिवाय अभिनेत्रीला इतर कोणत्याही बॅनरखाली चित्रपट करण्याची परवानगी नव्हती. त्यामुळे तिने अनेक मोठ्या चित्रपटांच्या ऑफर्स नाकारल्या.
सततच्या अपयशामुळं चांदनी शर्माला बॉलिवूड सोडावं लागलं. तिनं आजा सनम (1992), मिस्टर आझाद (1994), जय किशन (1994) आणि 1942: ए लव्ह स्टोरी (1994) यांसारख्या चित्रपटांमध्ये सहाय्यक अभिनेत्रीच्या भूमिका केल्या.
यानंतर अभिनेत्रीनं लग्न करण्याचा निर्णय घेतला. 1994 मध्ये चांदनी शर्मानं Orlando चे व्यापारी सतीश शर्मा यांच्याशी लग्न केलं. त्यानंतर चांदनी Orlando मध्ये स्थायिक झाली. तिला करीना आणि करिश्मा शर्मा या मुली आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.