सकाळ डिजिटल टीम
अपक्ष उमेदवार विशाल पाटील यांची संपत्ती ३० कोटी ५२ लाखांवर आहे.
गेल्या निवडणुकीत दाखवलेल्या संपत्तीच्या तुलनेत त्यात ८ कोटी ८० लाख रुपयांची वाढ झाली आहे.
विशाल पाटलांच्या नावावर २६ कोटी ७४ लाख ९३ हजार रुपये, तर पत्नी पूजा पाटील यांच्या नावावर ३ कोटी ७७ लाख ४८ हजार रुपयांची संपत्ती आहे.
जंगम व त्यावर मालमत्तेचा समावेश आहे. विशाल यांच्याकडे १० कोटी ५९ लाख १३ हजारांची जंगम, तर १६ कोटी १५ लाख ७९ हजारांची स्थावर मालमत्ता आहे.
पत्नी पूजा यांच्या नावे ३ कोटी ३ लाख ७३ हजारांची जंगम, तर ७३ लाख ७५ हजारांची स्थावर मालमत्ता आहे. विशाल यांच्या नावे असलेल्या कर्जाचा भार थोडा कमी झाला आहे.
त्यांच्यावर सन २०१९ मध्ये १० कोटी ३० लाख ६२ हजारांचे कर्ज होते. आता ७ कोटी ६५ लाख आहे.
पूजा यांच्या नावे ६१ लाख ७६ हजारांचे कर्ज आहे. पाच वर्षांत २ कोटी ६५ लाखांनी भार कमी झाला.