Pranali Kodre
आयपीएल 2024 स्पर्धेच्या 65 व्या सामन्यात पंजाब किंग्सने राजस्थान रॉयल्सला पाच विकेट्सने पराभूत केलं.
पण असं असलं तरी या सामन्यात राजस्थान रॉयल्सचा कर्णधार संजू सॅमसनने एका वैयक्तिक विक्रमाला गवसणी घातली आहे.
संजू सॅमसन या सामन्यात 15 चेंडूत 18 धावा करूनच बाद झाला. मात्र या खेळीदरम्यान त्याने आयपीएल 2024 मध्ये 500 धावांचा टप्पा पार केला.
संजू सॅमसनच्या आता आयपीएल 2024 मध्ये 13 सामन्यांमध्ये 5 अर्धशतकांसह 504 धावा झाल्या आहेत.
त्यामुळे सॅमसनने पहिल्यांदाच एका हंगामाच 500 धावांचा टप्पा पार केला आहे.
सॅमसन गेली 12 वर्षे म्हणजेच 2013 पासून आयपीएल खेळत आहे, परंतु, यापूर्वी झालेल्या 11 हंगामांमध्ये त्याला एकदाही 500 धावांचा टप्पा पार करता आला नव्हता.
सॅमसनने यापूर्वी 2021 आयपीएलमध्ये सर्वाधिक 484 धावा केल्या होत्या.
सॅमसनने त्याच्या 12 वर्षांच्या आयपीएल कारकि‍र्दीत 7 वेळा 350 धावांचा टप्पा पार केला आहे.