Pranali Kodre
भारत आणि दक्षिण आफ्रिका संघात टी२० मालिकेतील पहिला सामना ८ नोव्हेंबर रोजी डर्बनमधील किंग्समेड मैदानात झाला.
या सामन्यात भारताने ६१ धावांनी विजय मिळवला.
भारताच्या या विजयात संजू सॅमसनने शतकी खेळी करत मोलाचा वाटा उचलला.
संजू सॅमसनने या सामन्यात ५० चेंडूत ७ चौकार १० षटकारांसह १०७ धावांची खेळी केली.
त्याच्या या खेळीमुळे त्याला सामनावीराचा पुरस्कारही देण्यात आला.
दरम्यान, सॅमसनने सलग दोन आंतरराष्ट्रीय टी२० सामन्यात शतक ठोकणारा पहिला भारतीय फलंदाजही ठरला. याआधी त्याने ऑक्टोबरमध्ये बांगलादेशविरुद्ध हैदराबादमध्ये झालेल्या टी२० सामन्यात १११ धावांची शतकी खेळी केली होती.
त्याच्या या खेळीचे त्याची बायको चारुलता हिनेही कौतुक केले आहे. तिने आधी बीसीसीआयने संजू सॅमसनबद्दल केलेली पोस्ट इंस्टाग्राम स्टोरीवर शेअर करत कृतज्ञ असं लिहिलं आहे.
त्यानंतर तिने राजस्थान रॉयल्सचीही पोस्ट शेअर करत त्यावर लिहिलं आहे की 'माझा आवडता हिरो.'