Pranali Kodre
पंजाब किंग्सने आयपीएल 2024 स्पर्धेतील 42 व्या सामन्यात कोलकाता नाईट रायडर्सविरुद्ध 8 विकेट्सने विजय मिळवला.
या सामन्यादरम्यान भारताचा अनुभवी फिरकीपटू आर अश्विनने एक्सवर (Twitter) केलेल्या पोस्टने सर्वांचेच लक्ष वेधले.
खरंतर या सामन्यात कोलकाताने तब्बल 262 धावांचे आव्हान पंजाब समोर ठेवले होते.
या आव्हानाचा पाठलाग करताना पंजाबकडूनही जॉनी बेअरस्टो, प्रभसिमरन सिंग आणि शशांक सिंग यांनी जोरदार फटकेबाजी केली. ज्यामुळे पंजाबने 19 षटकातच 262 धावा पूर्ण केल्या.
धावांचा पाठलाग करताना मिळवलेला हा टी20 क्रिकेट इतिहासातील सर्वात मोठा विजय ठरला.
दरम्यान, या सामन्यात ज्या वेगाने धावा निघत होत्या, ते पाहून अश्विनने ट्वीट केले की 'गोलंदाजांना कोणीतरी कृपया वाचवा.'
खरंतर यंदाच्या हंगामात सातत्याने 200 च्या वर धावा निघताना दिसल्या आहेत. हे पाहाता अश्विनचे हे ट्वीट विचार करायला लावणारे आहे.