Pranali Kodre
आयपीएल २०२४ स्पर्धेतील १६ व्या सामन्यात कोलकाता नाईट रायडर्स संघाने ऋषभ पंतच्या नेतृत्वातील दिल्ली कॅपिटल्सला तब्बल १०६ धावांनी पराभूत केले.
दरम्यान, कोलकाताच्या विजयानंतर कोलकाता नाईट रायडर्सचा सहसंघमालक आणि अभिनेता शाहरुख खान दोन्ही संघातील खेळाडूंना भेटला.
यावेळी शाहरुखने दिल्लीचा कर्णधार पंतलाही भेटून कडकडून मिठी मारत त्याचे कौतुक केले.
१४ महिन्यांनंतर आयपीएल २०२४ स्पर्धेतून पुनरागमन करणाऱ्या पंतने या सामन्यात २७३ धावांच्या लक्ष्याचा पाठलाग करताना २५ चेंडूत ५५ धावांची खेळी केली होती. पण दिल्लीचा संघ १८ व्या षटकात १६६ धावांवर सर्वबाद झाला.
शाहरुखच्या भेटीबद्दल पंतने इंस्टाग्राम स्टोरीवरही खास पोस्ट करत कॅप्शन दिले आहे की 'भैय्या तुम्हाला भेटून नेहमीच आनंद मिळतो, नेहमीच उर्जा मिळते.'
दरम्यान, शाहरुखने केवळ पंतचीच नाही, तर दिल्ली संघातील इशांत शर्मा, कुलदीप यादव, मुकेश कुमार अशा अनेक खेळाडूंचीही भेट घेतली.
याशिवाय शाहरुख कोलकाताचा कर्णधार श्रेयस अय्यरसह अन्य खेळाडूंनाही भेटला आणि त्यांचे अभिनंदन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.