Pranali Kodre
इंडियन प्रीमियर लीग 2024 स्पर्धेतील दुसरा सामना पंजाब किंग्स विरुद्ध दिल्ली कॅपिटल्स संघात झाला. या सामन्यात पंजाब किंग्सने 4 विकेट्सने विजय मिळवला.
या सामन्यादरम्यान पंजाब किंग्सचा कर्णधार शिखर धवनने एका मोठ्या विक्रमाला गवसणी घातली.
दिल्ली कॅपिटल्सने दिलेल्या 175 धावांच्या आव्हानाचा पाठलाग करताना शिखरने 16 चेंडूत 4 चौकारांसह 22 धावा केल्या.
दरम्यान, त्याने 4 चौकार मारल्याने आयपीएलमध्ये 900 बाऊंड्री (चौकार आणि षटकार) पूर्ण करण्याचा टप्पा पूर्ण केला.
शिखर आयपीएलमध्ये 900 पेक्षा अधिक बाऊंड्री मारणारा पहिलाच क्रिकेटपटू आहे.
शिखरने 23 मार्च 2024 पर्यंत आयपीएलमध्ये 754 चौकार आणि 148 षटकार असे मिळून 902 बाऊंड्री मारल्या आहेत.
त्याच्यापाठोपाठ या यादीत विराट कोहली असून तोही या विक्रमाच्या जवळ आहे. विराटने 898 बाऊंड्री मारल्या आहेत. त्यामुळे त्यालाही आयपीएलमध्ये 900 बाऊंड्रीचा टप्पा गाठण्याची संधी आहे.