सहाशे वर्षांपूर्वी खोदकामात सापडली गणेशमुर्ती...पांडवांनी घेतले होते दर्शन

श्रीक्षेत्र वायगाव

टाकरखेडासंभू श्रीक्षेत्र वायगाव येथे महाभारतातील इतिहासाची साक्ष देणारी उजव्या सोंडेची अद्भुत गणेशमूर्ती पाहावयास मिळते.

पांडव

पांडव अज्ञातवासात असताना ते चिखलदरा येथे आले होते.

अज्ञातवास

परतीच्या वेळी याच मूर्तीचे दर्शन घेऊन पांडवांनी अज्ञातवास संपविला, अशी आख्यायिका आहे.

गणेशमूर्ती

अशी पार्श्वभूमी लाभलेली गणेशमूर्ती सहाशे वर्षांपूर्वी खोदकामात सापडली. ती लाखो भाविकांचे श्रद्धास्थान आहे.

सिद्धिविनायक

महाराष्ट्रात दोनच ठिकाणी सिद्धिविनायकाची ही मूर्ती पाहावयास मिळते.

भातकुली

मुंबईनंतर भातकुली तालुक्यात वायगाव येथे या सिद्धिविनायकाची मूर्ती आहे.

अमरावती

अमरावती परतवाडा मार्गावर असलेल्या वायगाव येथील सिद्धिविनायकाचा इतिहास महाभारतातील विराट पर्वापर्यंत आहे.

मूर्तीभंजक

मध्ययुगीन काळात ही मूर्ती मूर्तीभंजक आक्रमकाच्या भयाने भूमिगत ठेवण्यात आली होती.

मुघल

गावाच्या सभोवताल असलेले अचलपूर, दारापूर, खोलापूर ही ठाणी असलेली गावे मुघलांच्या ताब्यात होती.

साक्षात्कार

त्यानंतर सहाशे वर्षांचा काळ लोटला. त्यामुळे मूर्तीचा अचूक ठाव ठिकाणा लागला नव्हता. लोकांना साक्षात्कार व्हायचा, परंतु मूर्ती सापडत नव्हती.

खोदकाम

अचानक खोदकामात ही मूर्ती वायगाव येथे इंगोले यांच्या घरात सापडली. तो काळ सोळाव्या शतकातला होता.

मूर्ती

तेव्हापासून मूर्ती वाडारुपी मंदिरात प्रतिस्थापित करण्यात आली आहे.

गणेश भक्त

कालांतराने गणेश भक्तांची गर्दी वाढू लागल्याने इंगोले कुटुंबाने भक्तांच्या सुविधेसाठी ट्रस्टची स्थापना केली. त्यानंतर येथे मंदिर बांधण्यात आले.

व्यवस्थापन

त्यासाठी याच कुटुंबातील लोकांनी शेती दिली, याचे व्यवस्थापन लालजी पाटील, सीताराम पाटील, तुळशीराम पाटील, शिवराम पाटील, तुकाराम पाटील, श्रीराम पाटील व दयाराम पाटील यांच्याकडे आहे. ट्रस्टची धुरा अध्यक्ष म्हणून विलास तुकाराम इंगोले यांच्याकडे आहे.

Shree Siddhivinayak Ganpati the witness of the Mahabharata-सिद्धिविनायक मूर्ती

सिद्धिविनायक मूर्ती उजव्या सोंडेची आहे. उजव्या बाजूला सिद्धी व डाव्या बाजूला रिद्धी आहेत.

समृद्धीचा संकेत

एकदंत, पायावर पद्म, शंख चिन्हांकित आहे. हातातील माळ व मोदक ऐहिक जीवनातील समृद्धीचा संकेत देतात.

सूर्योदय

उत्तरायण व दक्षिणायन होताना सूर्योदयाची पहिली किरणे मूर्तीवर पडतात.

उत्सव

वर्षातून दोनदा येथे उत्सव साजरे होतात.

भाद्रपद शुक्ल चतुर्थी

भाद्रपद शुक्ल चतुर्थी ते पौर्णिमेपर्यंत गणेश उत्सवात दररोज दहा दिवस भक्तांना अन्नदान, ज्ञानदान, भजन, कीर्तन, काकडा, हरिपाठ होतो.

टाळ-मृदंग

पौर्णिमेला टाळ-मृदंग व नामघोषात पार्थिव मूर्तर्तीच विसर्जन होते.

गणेश जयंती

गणेश जयंती उत्सवात महाराष्ट्रातील हजारो भक्त येथे दाखल होतात. मध्य प्रदेशसह परराज्यातील भाविकही येथे भेट देतात.

छत्रपती शिवरायांमुळे जळगावच्या मातीत पिकू लागली केळी