Pranali Kodre
भारताचा महान फुटबॉलपटू सुनील छेत्रीच्या 19 वर्षांच्या आंतरराष्ट्रीय कारकिर्दीची 6 जून 2024 रोजी अखेर झाली.
फिफा वर्ल्ड कप पात्रता फेरीतील भारत विरुद्ध कुवेत यांच्यात कोलकातामध्ये झालेला सामना गोलशुन्य बरोबरीत संपला अन् छेत्रीच्या कारकिर्दीचाही शेवट झाला.
जेव्हा सामना संपल्याचे रेफ्रींनी घोषित केले, तेव्हा स्टेडियममधील संपूर्ण वातावरण भावनिक झाले.
छेत्रीने सामन्यानंतर संपूर्ण स्टेडियमला फेरी मारत सर्व प्रेक्षकांचे आणि चाहत्यांचे आभार मानले.
या सामन्यासाठी 58 हजारांहून अधिक प्रेक्षक स्टेडियममध्ये उपस्थित होते. चाहत्यांचे आभार मानताना छेत्रीचे डोळेही पाणावले होते.
यानंतर भारतीय खेळाडूंनी आणि सपोर्ट स्टाफने छेत्रीला गार्ड ऑफ ऑनर दिला, तेव्हा मात्र त्याला त्याचे अश्रु रोखता आले नाही.
सुनील छेत्रीने त्याच्या कारकिर्दीत 151 आंतरराष्ट्रीय सामने खेळले, ज्यात त्याने 94 गोल केले आहेत. तो 88 सामने कर्णधार म्हणून खेळलाय.