Pranali Kodre
भारतीय फुटबॉलचा महान खेळाडू सुनील छेत्रीने फुटबॉलमधून 16 मे रोजी निवृत्ती जाहीर केली.
कुवेतविरुद्ध 6 जून रोजी होणारा विश्वकरंडक फुटबॉल पात्रता स्पर्धेतील सामना हा छेत्रीचा अखेरचा सामना असणार आहे.
साल 2005 मध्ये भारतासाठी पदार्पण करणाऱ्या छेत्रीने आत्तापर्यंत 150 आंतरराष्ट्रीय सामने खेळले, ज्यात त्याने 94 गोल केले आहेत. तो 87 सामने कर्णधार म्हणून खेळलाय.
आंतरराष्ट्रीय फुटबॉलमध्ये 50 गोल करणारा तो भारताचा पहिला फुटबॉलपटू आहे.
ख्रिस्तियानो रोनाल्डो, अली दाई आणि लिओनेल मेस्सी यांच्यानंतर आंतरराष्ट्रीय फुटबॉलमध्ये सर्वाधिक गोल करणाऱ्यांमध्ये छेत्री चौथ्या क्रमांकावर आहे.
छेत्रीन भारतासाठी चारवेळा गोलची हॅट्रिक साजरी केली आहे.
त्याने SAFF स्पर्धेच्या 2011, 2015-16 आणि 2021 च्या अंतिम सामन्यात गोल केले आहेत.
आंतरराष्ट्रीय कारकिर्दीतील पहिल्या, 50 व्या, 100 व्या आणि 150 व्या सामन्यात गोल करणारा तो एकमेव भारतीय आहे.
त्याने कारकि‍र्दीत नेहरु कप (2007, 2009, 2012), एफसी चॅलेंज कप (2008), सॅफ स्पर्धा (2011, 2015, 2021, 2023), इंटर कॉन्टिनेंटल कप (2018, 2023) आणि ट्रायनेशन सिरिज (2017, 2023) या स्पर्धा जिंकल्या आहेत.
तो भारताव्यतिरिक्त मोहन बगान, इस्ट बंगाल, डेम्पो क्लब, चिराग युनायटेड, कानसास सिटी विझार्ड, स्पोर्टिंग सीपीबी, चर्चिल ब्रदर्स, बेंगळुरु एफसी, मुंबई सिटी एफसी या क्लबकडूनही खेळला आहे.
छेत्रीला पद्मश्री (2019), खेलरत्न (2021), अर्जुन पुरस्कार (2011) अशा पुरस्कारांनीही गौरविण्यात आल आहे.