Monika Lonkar –Kumbhar
बारामती लोकसभा मतदारसंघातून खासदार सुप्रिया सुळे विजयी झाल्या आहेत.
सुप्रिया सुळेंच्या विरोधात सुनेत्रा पवार यांना महायुतीची उमेदवारी मिळाल्यामुळे बारामती लोकसभा मतदार मतदारसंघाची लढत यावेळी अत्यंत चुरशीची झाली होती.
अजित पवार गटाच्या महायुतीच्या उमेदवार सुनेत्रा पवार यांचा या निवडणुकीत पराभव झाला आहे.
अजित पवारांच्या पत्नी सुनेत्रा पवारच रिंगणात असल्याने अजित पवारांनी अगदी बारामतीच्या कानाकोपऱ्यापर्यंत प्रचार केला होता.
मात्र, बारामतीकरांनी अजितदादांना साथ न देता शरद पवारांना साथ दिल्याचे पहायला मिळाले.
राष्ट्रवादी पक्ष फुटीनंतर पहिल्यांदाच पार पडलेल्या या लोकसभा निवडणुकीत सुप्रिया सुळेंनी विजयी घौडदौड कायम राखली आहे.
ज्येष्ठ नेते शरद पवार यांची लेक खासदार सुप्रिया सुळेंनी यंदाच्या निवडणुकीत विजयी चौकार मारत बारामतीचा गड राखला आहे.