सकाळ डिजिटल टीम
दाक्षिणात्य चित्रपटसृष्‍टीत आपले स्थान निर्माण करणारी अभिनेत्री तमन्ना भाटियाने आपल्या उत्तम अभिनयशैली आणि सौंदर्य यांच्या जोरावर सर्वांचे मनं जिंकले आहे.
‘अरनमनाई 4’ या चित्रपटातील तिच्या अभिनयाचे भरभरून कौतुक करण्यात आले.
अशातच तमन्ना आता लवकरच ॲक्शन सुपरस्टार टायगर श्रॉफसोबत स्क्रीन शेअर करणार आहे.
टायगर श्रॉफ हा बॉलिवूडमधील आघाडीचा अभिनेता आहे, त्याच्या ॲक्शन सीन आणि स्टंट्सने तो प्रेक्षकांची मने जिंकत असतो.
तमन्ना आणि टायगर पहिल्यांदाच एकत्र काम करणार असून ते ‘पतंजली’च्या ‘दंत कांती फ्रेश ॲक्टिव्ह जेल’ या नव्या जाहिरातीत झळकले होते.
दरम्यान, ‘पतंजली’चे सीएमडी, राम भरत यांनी ब्रँडच्या मोहिमेसाठी तमन्ना आणि टायगर यांची जोडी फिट असल्याचे सांगितले.
या जाहिरातीमधील दोघांचा लूक सर्वांचे लक्ष वेधत असून त्यांच्या चाहत्यांना दोघांना मोठ्या पडद्यावर एकत्र पाहण्याची उत्सुकता लागली आहे.