हिवाळ्यात खायलाच हवा हरभरा, मिळतील ‘हे’ आरोग्यदायी फायदे

हिरव्या पालेभाज्या

हिवाळ्यात बाजारात अनेक प्रकारच्या हिरव्या पालेभाज्या, फळभाज्या आणि विविध प्रकारची फळे उपलब्ध असतात. त्यामुळे, या ऋतुमध्ये जेवणामध्ये विविध खाद्यपदार्थांची चंगळ असते. 

हरभरा

काही हिरव्या पालेभाज्यांचा आणि फळांचा तुम्ही आहारात समावेश केला तर आरोग्याच्या समस्या निर्माण होत नाहीत. या हिरव्या पालेभाज्यांपैकी एक असलेली भाजी म्हणजे हरभरा होय.

या हरभऱ्यामध्ये जीवनसत्वांचे भरपूर प्रमाण आढळून येते. त्यामुळे, आपल्या आरोग्यासाठी हरभरा अतिशय फायदेशीर आहे. 

शरीराला मिळते ऊर्जा

हरभऱ्यामध्ये व्हिटॅमिन-बी ९ म्हणजेच फॉलेटचे अधिक प्रमाण आढळून येते. त्यामुळे, हरभऱ्याचे सेवन केल्याने आपल्या शरीराला भरपूर ऊर्जा मिळते. 

फायबर्सचे भरपूर प्रमाण आढळते

हरभऱ्यामध्ये मुबलक प्रमाणात फायबर्सचे प्रमाण आढळून येते. त्यामुळे, जेव्हा आपण हरभऱ्याचे सेवन करतो, तेव्हा आपले पोट भरलेले राहते. तसेच, हरभऱ्याचे सेवन केल्याने आपली पचनसंस्था सुरळीत राहण्यास मदत होते.

मांसपेशींना मिळते मजबूती

हरभऱ्यामध्ये प्रथिनांचे भरपूर प्रमाण आढळून येते. हरभऱ्याचे सेवन केल्याने शरीरातील मांसपेशींच्या विकासाला चालना मिळते. तसेच, मांसपेशी मजबूत होण्यास मदत मिळते. त्यामुळे, आपल्या आरोग्यासाठी फायदेशीर असणाऱ्या हरभऱ्याचा आहारात जरूर समावेश करा.

वजन नियंत्रणात राहते

हरभऱ्याचे सेवन केल्याने पोट भरलेले राहते आणि फार काळ भूक लागत नाही. त्यामुळे, वजन नियंत्रणात राहते.

प्रथिनांचे पॉवरहाऊस आहे चवळी, जाणून घ्या 'हे' आरोग्यदायी फायदे