हाडांच्या बळकटीसाठी फायदेशीर आहे किवी, आजच करा आहारात समावेश

निरोगी जीवनशैली

निरोगी जीवनशैलीसाठी तुम्ही संतुलित आहार आणि नियमित व्यायाम करणे गरजेचे आहे. जर तुम्ही या दोन्ही गोष्टींची योग्य प्रकारे सांगड घातली तर आरोग्याच्या समस्या निर्माण होणार नाहीत. 

मात्र, आजकाल वयाची चाळीशी जरी ओलांडली तरी शरीराला थकवा येण्यास सुरूवात होते. हाडे कमजोर होऊ लागतात.

किवी

किवीचे सेवन केल्याने आपल्या शरीराला अनेक फायदे मिळतात. हिवाळ्यात तर हे फळ खाणे आपल्या आरोग्यासाठी अतिशय लाभदायी आहे. 

हाडांना मिळते बळकटी

किवीमध्ये भरपूर प्रमाणात कॅल्शिअमचा समावेश आढळून येतो. एक कप किवीमध्ये साधारणपणे ६१.२ मिलीग्रॅम कॅल्शिअमचे प्रमाण आढळून येते. त्यामुळे, किवीचे सेवन केल्याने आपल्या शरीराला भरपूर ऊर्जा तर मिळते शिवाय, हाडांना बळकटी मिळण्यास मदत होते. 

रोगप्रतिकारक क्षमता वाढते

किवीमध्ये कॅल्शिअमसोबतच इतर पोषकघटकांचा मोठ्या प्रमाणात समावेश आढळून येतो. या पोषकघटकांमुळे आपल्या शरीराची रोगप्रतिकारक क्षमता वाढण्यास मदत होते. 

थंडीच्या दिवसांमध्ये संसर्गजन्य आजारांचा धोका वाढतो. त्यामुळे, आपण सर्दी-खोकल्यासारख्या आजारांना लगेच बळी पडतो. या आजारांपासून दूर राहण्यासाठी आणि रोगप्रतिकारक शक्ती वाढवण्यासाठी तुम्ही आहारात किवीचा जरूर समावेश करावा.

पचनक्षमता सुधारते

किवीमध्ये कॅल्शिअम, पोटॅशिअम, मॅग्नेशिअमसोबतच फायबर्सचे भरपूर प्रमाण आढळून येते. या फायबर्समुळे शरीर तंदूरूस्त राहण्यास मदत होते. या फायबर्समुळे हृदयाचे आरोग्य निरोगी राहण्यास मदत होते. तसेच, आपल्या शरीराची पचनक्षमता सुधारण्यास किवी लाभदायी ठरते. 

हिवाळ्यात तंदूरूस्त राहण्यासाठी फायदेशीर आहे लव्हेंडर टी